Mae'r Canghellor, Rachel Reeves, wedi cyhoeddi ehangu Cynllun Gwarant Twf (GGS) Banc Busnes Prydain (BBB). Mae hyn yn darparu gwarant gan y llywodraeth o 70% ar fenthyciadau masnachol i fusnesau bach a chanolig (BBaCh) hyd at £2 filiwn, gan leihau risg credyd.
Bydd y newidiadau yn galluogi'r cynllun i ehangu gyda £2 biliwn ychwanegol o fenthyca i fusnesau bach a chanolig bob blwyddyn erbyn 2028/29. Bydd hyn yn dod â chyfanswm y benthyca a gefnogir drwy'r cynllun i £3.35 biliwn y flwyddyn, sef mwy na dwbl y £1.35 biliwn presennol.
Bydd hefyd yn cynyddu hyd tymor uchaf benthyciad o chwe blynedd i 10 mlynedd ar gyfer benthyciadau hyd at £1.1 miliwn ac yn cynyddu maint uchaf y busnesau sy'n gymwys i gael benthyciad o dan y cynllun o £45 miliwn mewn trosiant blynyddol i £54 miliwn.
Mae Banc Busnes Prydain yn amcangyfrif y bydd y newidiadau hyn yn cefnogi 12,000 o fusnesau ychwanegol y flwyddyn erbyn 2028/29, sef cynnydd o 150% ar yr 8,000 sy'n cael eu cefnogi ar hyn o bryd, gan ddod â'r cyfanswm i 20,000. Ers ei lansio yn 2022, mae'r cynllun wedi darparu mwy na £3.7 biliwn o gyllid i fusnesau bach a chanolig y DU, gyda £2.5 biliwn o hyn yn cyrraedd busnesau y tu allan i Lundain a De-ddwyrain Lloegr.
Honnir bod pob £1 a wariwyd ar y cynllun yn cefnogi tua £10 o fenthyca gan fanciau.
Mae deddfau newydd o ddechrau’r mis yn ei gwneud yn hanfodol i gwmnïau sy’n dibynnu ar isgontractwyr, staff asiantaeth neu gadwyni cyflenwi llafur cymhleth adolygu eu gweithdrefnau cydymffurfio er mwyn nodi gweithwyr nad oes ganddynt yr hawl i weithio yn y DU.
Mae adroddiad blynyddol y Bwrdd Cynghori ar Feichiau Gweinyddol (ABAB) yn dangos gwelliant bychan ym mherfformiad CThEF, ond mae pryder cynyddol ynghylch y baich deddfwriaethol ac anawsterau parhaus gyda’r sianeli cyfathrebu.